Pinagmulan ng Pangalan

"Agosto mong malaman?" Para lang maging cool at catchy at masabing related sa August, eto ang ginawa kong cover ng dyaryo ko.Marahil nagtataka kayo bakit ganito ang title ng cover. Ipapaliwanag ko lang ang pinagmulan ng salitang Agosto o August. Noon, ang tawag nila sa buwan ng Agosto ay Sextilis sa Latin dahil ito ang pang-anim na buwan sa original na ten-month Roman Calendar noong 753 BC. Ang buwan ng Marso ang pinakauna noong mga panahong iyon. Pagsapit ng 700 BC, naging pangwalong buwan ito dahil dinagdag ni King Numa Pompilius ang buwan ng Enero at Pebrero. At noong panahong iyon, 29 days lang ang buwan na ito. Noong naging pinuno si Julius Caesar, dinagdagan niya ito ng dalawang araw pa kaya nagkaroon ng Julian Calendar noong 45 BC. Bandang huli, noong 8 BC, naging "August" na ang tawag sa buwan na ito bilang pag-alala kay Augustus.

Ngayong nalaman na natin ang pinagmulan ng salitang Agosto, alamin naman natin ang pinagmulan ng mga pangalan natin...

Noong 1st year high school ako sa Assumpta Technical High School, tinanong ng Values Education Teacher namin na si Ms. Mary Anne Pangan (Trivia: Noong summer ni Richneil sa ECC San Fernando para sa Proper Dentistry, nakasama namin ulit siya. What a small world.) Si Ms. Pangan ay nagtuturo na ngayon sa elementary school. Ata. Hindi ako sigurado kahit nagkita kami ulit. Balik tayo sa kwento ko. Tinanong niya kami saan nagmula ang pangalan namin. May kapangalan ako noon sa classroom, sobra nga lang 'yun sa kanya--si Jomari. Hindi ko alam ang sagot sa tanong niya. Isa-isa kaming sasagot. Nakinig ako sa mga sagot ng kaklase ko at napag-alaman kong ang mga pangalan pala ay pwede magmula sa combination ng pangalan ng magulang, mga lolo, kulasisi (ngayon ko lang gagamitin ang word na ito dahil alam ko na ang meaning. Hahaha), mga paboritong artista o singer, mga santo, mga sikat ng pulitiko, at mga hayop. Pero wala akong kaklase na may pangalan na browny, blacky, kitty, o Godzilla.

Turn na ni Jomari na sumagot. Maaari kong maging basehan ang sagot niya. Sabi niya, ang pangalan niya ay galing sa pangalan ni Joseph at Mary. Kaya Jomari. Since then, 'yun na din ang ginamit kong sagot tungkol sa pinagmulan ng pangalan ko. Napag-alaman ko din na ang combination ng Jesus, Joseph, at Mary ay Jejomar kaya mayroon tayong Jejomar Binay ngayon. Galing noh! Lumamang na tayo sa kaalaman kahit alam na ito ng mga taong tabon.

Bakit kailangan natin alamin ang pinagmulan ng pangalan natin? Sabi pa ng Values Teacher ko noon, kung Kristiyano ang bata at bibinyagan siya sa simbahang Katoliko, dapat may Christian name siya. Pwede mong kunin sa pangalan ng santo halimbawa Mary Therese, Mark Alfred, John Lloyd, at Angel Locsin. Kahit na Johnson ang pangalan mo, galing pa din ito sa pangalan ni Saint John. Mahirap kung wala na silang maisip na pangalan kaya magkakaroon ng extension  tulad ng Jomar III, Jomar Jr., at Jomar XIII (Parang hindi pinag-isipan.)

Tatanungin ko ulit kayo? Ano ang pinagmulan ng pangalan ninyo? Ayon sa survey na nakita ko sa Internet, taong 2009. Ang pinakasikat na pangalan sa buong Pilipinas ay ang mga sumusunod.

	Lalaki	Babae
1.	Joshua	Angel
2.	Christian	Nicole
3.	John Paul	Angelica
4.	Justin	Angela
5.	John Mark	Jasmine
6.	Adrian	Mary Joy
7.	Angelo	Kimberly
8.	John Michael	Mariel
9.	James	Mary Grace
10.	John Lloyd	Princess

Napaisip ako, napakamoderno na rin ng mga pangalan ngayon. Dati ang mga pangalan ng tao sa Pilipinas ay Juan, Maria, at Pedro. Ngayon nag-evolve na sa John, Mary, at Peter. Kung ipapanganak ulit si Maria Clara sa mundong ito, papangalanin na siyang Mary Claire. Mabuti naman at mayroon pang natitirang tradition sa naiisip na pangalan ngayon. Hindi ko lang matanggap kung bakit may mga kakaibang pangalan tulad ng Xanthum, Aesha, Reyene, Chrystee, at ABCDE. Nasaan ang Christian name? O kung hindi man siya Kristiyano, nasaan ang kahulugan ng pangalan? Dahil ba maganda pakinggan? Dahil parang anime? Kung magkakaroon ka ng anak, ipapangalan mo ba sa kanya ay San Goku? Picollo? Vegeta? o Vegetable? Ito ang madalas makalimutan ng mga tao. Kaya napakaimportanteng pag-aralan mabuti kung anong pangalan ang ibibgay mo sa anak mo. Balang araw, baka pagsisihan mo at isumbat nila sayo na Diego, Kirara, Kiray, o Vice Ganda ang binigay mong pangalan sa kanila.