Communication Barriers

April 19, 2011. Birthday ni Sharmaine at wala siya sa Twitter so kailangan ko siyang itext at required din ako makipagkwentuhan. In addition to that, tinitignan ko din ang tindahan dahil si Ate Linda ay parito-paroon, parang jeep na bumabyahe. Ang kwento ko talaga ay tungkol sa communication barriers. Habang nagcocomputer ako, naririnig ko si Ate Lucy na katatapos lang maglaba ng damit nila Richneil.

High blood si Ate Lucy, parang gusto nyang kainin ang kausap niya sa cellphone. Kaunti nalang kainin niya yung cellphone. Pagkatapos ng usapan nila nung kaaway niya sa cellphone, hindi pa rin siya tumigil. Galit pa din siya at hyper magkwento.

Hindi kaya mabingi si Ate Linda? Ano ba ang communication barrier? Minsan may kausap tayo pero kailangan pa natin sabihin "ano nga ulit sinabi mo?". May barrier kaya hindi magkaintindihan. Pwede itong ingay o depekto ng sinuman sa inyo. Sa nagsasalita, kung pipi siya. Malamang hindi talaga kayo magkakaintindihan. Nagresearch pa talaga ako sa internet para ipakita sa inyo ang tungkol sa Barriers of Communication.

Barriers to communication may be divided into the following distinct groups:

A) PHYSICAL OR ENVIRONMENTAL BARRIERS

Kasama dito ang ingay. Maraming klase ng ingay: malakas na volume ng music (mas nakakasakit ng tenga kung basag pa ang speaker pero pinipilit pa rin magpatugtog ng malakas.) Kung sa tao e lumalabas na ugat ng lalamunan niya sa kakakanta. Ilang halimbawa pa yung ingay ng mga sasakyan. Mahirap magkaintindihan kapag nakasakay ka sa tricycle at jeep. Alam na alam mong local ang sinasakyan dahil maingay.

Hindi ko alam bakit may environmental barriers. Ano ba ang environment, di ba ito yung kalikasan? siguro ibig sabihin kapag may aso na kapag ikaw ay may kausap, inuunahan ka ng aso sa pagsagot. Ano ba ang pinakamaingay na hayop? So kinailangan ko naman gamitin si Google. Napakahelpful ng Google sa mga ganitong pagkakataon lalo na siguro kung exam. Kaya nga hindi advisable na wifi ang school e. Dapat bawal din magdala ng cellphone to avoid cheating.

Sa Assumpta ko lang nakita ang mga ganitong batas kaya hindi ako madaya haha. Go Alma Mater! Anyway balik tayo sa noisiest animal, sa dagat Blue Whale ang pinakamaingay at sa lupa naman Howling Monkeys o Alouatta. Trivia yan.

B) MECHANICAL BARRIERS

Kasama dito yung walang signal. Pwede sa call o sa text message. Halimbawa yung mga TM, may time na kapag nagtext ka sa kanila, bukas mo na mababasa ang reply nila. May mga time lang, hindi naman sa lahat ng oras. Baka isipin nyo nagmamata ako dahil Globe ako haha. Meron din pagkakataon sa chat, kapag nawalan ng Internet. Dapat wag natin sisihin yung taong nagbabantay sa Internet Cafe kung mawalan ng Internet.

Kasalanan ba ng nagbabantay kung nawalan ng Internet? Kung sanang gunugupit niya yung wire dahil nababagot siya pwede pang dahilan. Sa kanya ba nanggagaling ang signal? Siya ba ang may ari ng Globe? Assignment: Saan nanggagaling ang signal at paano ito nakakatulong sa pagbayad ng utang ng Pilipinas? Isulat ang sagot sa Manila Paper baligtaran, font size 10. Avoid erasures.

C) LANGUAGE OR SEMANTIC BARRIERS

Lagi kong sinasabi ang salitang semantic sa tuwing hindi ko naintindihan ang sinasabi ng kausap ko. Kasali pala siya dito sa language barriers. Kapag Amerikano ang kausap mo, dapat English ang language na gagamitin mo para magkaunawaan kayo. Parang dito sa Pilipinas, hindi magkakaintindihan ang mga Bisaya at Kapampangan. Kailangan nila kumuha ng keywords para magkaintindihan.

Hindi ko alam kung related dito ang sinabi ng teacher ko noong college. Kapag daw ang tanong niya ay English, dapat English din ang sagot. Kapag tagalog ang tanong niya (kahit English ang subject) dapat ang sagot ay tagalog. Inimplement din ng DepEd, ewan ko kung DepEd o pakana lang ng teacher namin na kamukha ni Godzilla.

Kapag Math, Science, at English ang subject, dapat speaking in dollars ang mga studyante. Tapos kapag Filipino at Kasaysayan, speak in peso–wagi ang pambansang Wika!

D) PERSONAL OR SOCIO-PSYCHOLOGICAL BARRIERS

Kabilang naman dito ang mga psychotic na tao pero imbento ko lang. Kailangan ng malawak na pag-iisip bago mo maintindihan ang isang taong may kulang sa pag-iisip. Para ka na ring nakipag-usap sa lasing o bagong gising. Kapag may kausap kang psychotic na tao, dapat kang lumevel sa kanila para magkaintindihan kayo. Kung alam mong may pagkukulang sa kanya, bawasan mo din yung sayo para magkulang ka din.

Kasama din siguro dito yung maturity ng kausap mo. May nagtanong sa akin kailan lang bakit daw walang interesado sa kanya. Sabi ko isip bata pa kasi siya, tandaan natin na mas mature mag-isip ang mga babae kaysa sa lalaki, kaya hanggang ngayon isip-bata pa din ako. Katulad lang din ito ng dalawang taong nag-uusap, isang bobo at isang nagpapanggap na matalino. Dapat mabawasan na ang mga bobo sa mundo para matigil na ang pagpapasikat ng mga nagpapanggap na matalino.

E) CROSS-CULTURAL BARRIERS

Iniisip ko kung ano ang magiging kahulugan ng cross at cultural kapag pinagsama. Maaari itong maging barrier o sanhi ng alitan depende sa kultura o paraan ng pamumuhay ng dalawang nag-uusap. May mga taong matiyagang makinig sa lahat ng sinasabi mo kahit kasing-boring mong magsalita si Squidward.  Hindi ko na alam paano ipaliwanag ang cross-cultural barriers. Dahil ba ako ay royal blood?

Importante ang communication sa araw-araw na pamumuhay. Kasing halaga ito ng Algebra at chemical symbol ng Gold. Anuman ang dahilan kung bakit hindi kayo nagkaintindihan ng kausap mo, siguraduhin mo muna na gising pa ang kausap mo. Baka nag-isip ka na ng kung anu-ano dahil hindi nagrereply ang katext mo yun pala e tulog na. Siguraduhin din na tama ang numerong pinagsesendan mo. Nakakatawa ka kapag nagdrama ka sa katext mo tapos bigla nalang may magrereply, "Wrong send?"

GAWAING PAGSASANAY: 

Base sa iyong nabasa, bilugan ang salitang hindi kabilang sa grupo. Kapag hindi mo alam, uminom ng isang basong tubig.

1.         Street Fighter, Plants vs. Zombies, piko, paso

2.         Accounting, College Algebra, computer shop, batang may sipon

3.         McDonalds, Jollibee, tindahan ni Ate Linda, surot

4.         cancer, ubong may plema, muta, salisi gang
5.         ostrich, palaka, Ian Fajardo, letter Q